{{نشأتْ ملحم}} {{أساطير من بلادي}} بقلم /” ابو بكر/ابو فرح

————————–
١-
مِينْ أوْلى مِنْ نشأتْ
يِتْسجَّلْ أوَّلْ شهيدْ
وْما بِعارِضْ أقوالي
غِيرِ الخايِنْ والعَبيدْ
٢-
نشأتْ لَوَحْدو فصيلْ
بالمُثلَّث والجليلْ
كشفْ بيتِ العنْكبوتْ
ويلِّي عملو مشْ قليلْ
٣-
َمنعِ التجَوُّلْ أسبوعْ
وْكانِ صوتو وَحدو المَسموعْ
وْلَوْ بِقي عايِشٍ سَنْتِينْ
ظلِّ التجوُّلْ ممْنوعْ
٤-
بْتلْ أبيبْ منعِ التِجْوالْ
وْحَقَّقْ للشَعْبِ المُحالْ
وْيَلٍّي دانِ أفْعالو
يا عميلْ يا دجَّالْ
٥-
قالوا عنْ نشأتْ مجنونْ
لو عِنَّا مِثلو مليونْ
كانْ بْسرْعهْ فَلَسطينْ
نِظْفتْ منْ بني صَهيونْ
٦-
إسمو على كلِّ لْسانْ
بِفَلسطينْ وِبْلبنانْ
وْمِنِ المحيطْ للخليجْ
نشأتْ للعَرَبْ عُنْوانْ
٧-
كتَبْ لَحالو تاريخْ
بَلا تَزْميرُ وْ تَصْرِيخْ
هاجَمْهمْ بِعُقْرِ الدارْ
وْإسْمو طار للمَرِّيخْ
٨-
مِنْ عارَهْ طِلِعْ كريمْ
أسيرُ وْفِعلو عظيمْ
ومنها نشأتْ طِلِعْلُنْ
وْبُكرا بِطْلعْلُنْ نسيمْ
٩-
قالوا رمى سِلاحو
طِلْعوا واللهْ كذَّابينْ
إشاعَهْ لَيِرَتاحوا
بْتلْ أبيبِ المَرعوبينْ
١٠-
ما في حلّْ ما في حلّْ
إلَّا بْتدْميرِ المُحْتلْ
وْيَلِّي بِدو تعايشْ
يا مشبوهْ يا مُخْتَلْ
١١-
والسِلِمْ معهُمْ مُحالْ
باللهْ تْظَبْظِبْ هالمَوَّالْ
مِا بِطَلَعْلَكْ شبِرْ أرضْ
إلَّا بْساحاتِ القِتالْ
١٢-
وَحَّدِ بْدَمُّو فْلسطينْ
منْ غزِّهْ حتَّى جِنينْ
وْنشأتْ بَشَّرنا بْقولو
جاييهُمْ مِثْلي تِسْعينْ
١٣-
كتبْ مجدو بْرشَّاشو
وعالحَكي غيرو اعْتاشو
لا إلو رُتْبِةْ لِواءْ
وَلا إلو مَعاشو
١٤-
نشأتْ وِلْدِ بإسرائيلْ
وْأخذْ منها جٍنْسيِّهْ
وْظنُّوا إنُّو بالتَدْجيلْ
راحْ يْبيعِ القضيِّهْ
١٥-
قالوا عنُّو اسْرائيلي
وْقالوا نِسي فلَسطينْ
وْقالْ بْقلبو يا وِيِلي
لازِمْ طَرْدِ المُحْتَلِّينْ
١٦-
التعايُشْ مُستحيلْ
مَعِ الصهيوني الدَخيلْ
ما بْتِفْرِقْ عندي شَحْطَهْ
غَزِّهْ عنْ أرضِ الجليلْ
١٧-
مِشْ مناضلْ بالإعْلامْ
وْمِشْ مِنٍ تُجَّارِ الكلامْ
روَّى ترابو بْدمَّاتو
وْأعْطتلو أعلى وِسامْ
١٨-
نشأتْ طبَّقْ أقوالو
وْعِمِلْ يلِّي في بالو
وْإذا ما بتْضَحِّي الناسْ
بِبْقى الوَضِعْ عَحالو
١٩-
وْنشأتْ نهجكْ يا حبيبْ
مِنْ ساحِتْنا ما بِغِيبْ
وْيَلّي في عِنْدو أوْهامْ
بِلْزَمْلو حْجابُ وْطَبيبْ
٢٠-
وْيلِّي وَشى مَهمَنْ كانْ
ملْعونْ وْإبِنْ ملعونْ
لا تْقولولي إسمو فْلانْ
إسْمو ديفيدْ أو شمْعونْ
٢١-
بْرشَّاشو وْبَعضِ رْصاصاتْ
بَهْدَلْ جيشِ العِصاباتْ
وْلو كانْ عِنْدو كْلاشنكوفْ
قاوَمْ حتَّى الدبَّاباتْ
٢٢-
قاوَمْهمْ حتَّى المَماتْ
ما رَفَعْ بِيِضِ الراياتْ
قاوَمْهمْ حتَّى الشهادهْ
وْكَتَبْ لَشعبو الحياةْ
٢٣-
هايِّ الشُغُلْ يا بلاشْ
قاتَلْ وِبْإيدو رشَّاشْ
مُناضِلْ عِمْلِ المُحالْ
وْغيرو هالحكي بِعْتاشْ
٢٤-
مُناضلْ بِرَفَعِ الراسْ
وِبْشَعْبو عٍنْدو إحْساسْ
وْوِينِ الفصائلْ كِنُّو
مُعظمْها مِعْلنْ إفلاسْ
٢٥-
بْعَمليِّهْ خَلَّدْ إسْمو
وْأَثْبتْ للعالمْ حَسْمو
وْإذا بِتْثَمِّنْ فِعلو
إحْفَظْ بِعيونَكْ رَسمو
٢٦-
قاتَلْ وَحْدو مِثْلِ جْيوشْ
بَلا طَبِلْ ولا قْروشْ
وَلَغيرو سابِ الحَفْلاتْ
وْفيها تِعْبايِّةْ لِكْروشْ
٢٧-
وَحْدو قَهْرْ إسرائيلْ
وْفيها فَعَلْ أفاعيلْ
وْالجِيشِ إلِّي لا يُقْهَرْ
قَلُّو عُمْرَكْ مِشْ طَويلْ
٢٨-
وُالسِلِمْ حَكي تَخْبيصْ
وْعالشعِبْ كُلَّو تَفْنيصْ
ضِحِكتْ عليكمْ عِقْدينْ
إسرائيلْ نُصْ نْصِيصْ
٢٩-
لِفْرنْجي بِفَلسطينْ
فيها قَعَدْ شِي قَرْنِينْ
وْكِشْ كُلو منها طارْ
عَ إيِدو صلاحِ الدينْ
٣٠-
فَدَاها بِدَماتو
وْأهدى إلْها حَياتو
وْطوبى لَلِّي بِفْديها
بْحياتو وِوْليداتو
٣١-
بالحجارَهْ والسكِّينْ
جنَّنا هالمُحْتَلِّينْ
وْإلْهِنْ نشأَتْنا زَوَّدْ
فُوقِ السكِّينِهْ مَرْتِيِنْ
٣٢-
نَشأتْ وَرَّث لَجْيالو
أحلامو مع آمالو
وْناداهُمْ للميادينْ
يَلَّا حْبابي تَعالو
٣٣-
بْدَماتو وْعَشَرْ طَلْقاتْ
حقَّقْ أحلى الأُمْنياتْ
وْقُلنا بالصُوتِ العالي
حَيِّ الشهيدُ وْما ماتْ
٣٤-
شافِ القَهِرْ بِعْيونو
وْعاشِ الظُلُمْ وِفْنونو
وَحَلَفْ يا ترابِ بْلادي
بِعُمْري ما راحْ أخُونو
٣٥-
إحْنا شَعِبْ ما بِنْلينْ
للغاصِبْ والمُحْتلِّينْ
وْراحِ نقاتِلكمْ واللهْ
تا تِتْحَرَّرْ فلسطينْ
٣٦-
لو بْقيتوا بْفلسطينْ
مِنْ بُكْرا لَيومِ الدِينْ
راحِ نْقاتِلِ المُحْتلْ
بالبارودهْ والسِكِّينْ
٣٧-
بْرَغْمِ القَتِلْ والْلأْواءْ
راحْ نِتْحَمَّلِ الأعْباءْ
وْأللهْ وَعَدْنا بالنَصْرْ
بْسورةْ مريَمْ وِالإسْراءْ
٣٨-
أللهْ ما بِخْلِفْ وَعْدو
إذا ما رابَطْ عَبْدو
شايِفْ النَصِرْ بِعْيوني
وِالواهِمْ يِلْزَمْ حَدُّو
٣٩-
نَهْجْكْ نشأتْ الصَوابْ
وِانْذَلِّينا لَمَّا غابْ
وِلِّي بِزْرَعوا الأوهامْ
مِثْلِ البومِهْ وِالْغُرابْ
٤٠-
إنْتفاضهْ حتَّى النَصْرْ
وْللغازي بِنْجَهِّزْ قَبْرْ
ما إلو بِفَلسطينْ
حَفْنِةْ تُرْبِهْ وِلَّا شِبْرْ
٤١-
مِثْلِ الطِفِلْ فلَسطينْ
ما بْتِنْقِسِمْ لَقِسْمينْ
وْمهما بذَرْتوا أوهامْ
هِيِّ لَواحَدْ مِشْ لَ اثْنينْ
٤٢-
لا تتوَهَّمْ وَلا تِحْتارْ
ما في يمينُ وْيسارْ
علينا ايِدْهُمْ وَحْدِهْ
بِقْتلونا لِيِلِ نْهارْ
٤٣-
واحَدْ بِقْتُلْ عالمَكْشوفْ
وْواحدْ بِقتُلْ عالسُكِّيتْ
العمَلْ أسَّسْ إسرائيلْ
وْسَرَقْ منـِّا كُلِّ البِيتْ
—————————-

 

لروح الشهيد ،نشات ملحم،،
الفارس الفلسطيني الأسطورة،
بطل عملية تل أبيب،عام ٢٠١٦م
والذي استشهد في مثل هذا اليوم
٢٠١٦/١/٩م،

له تنحني الهامات والقامات،،

أضف تعليق

اترك رد

جميع الحقوق محفوظة © جريدة لبنانون توداي 2017
%d مدونون معجبون بهذه: